Skip to Content
[Page Content]

TRACCER (របាយការណ៍អេឡិចត្រូនិកចូលរួមវិភាគទានយុទ្ធនាការឃោសនាស្វ័យប្រវត្តិរបស់អ្នកកាន់បញ្ជីតាមដាន - អ្នកកត់ត្រា) គឺ សំរាប់តែបេក្ខជន/អ្នកកាន់តំណែងប៉ុណ្ណោះ។ សាធារណជន អាចមើលនិងស្វែងរកសេចក្តីថ្លែងការណ៍ទាំងនេះនៅលើប្រព័ន្ធអ៊ិនធឺណឺត។

TRACCER អនុញ្ញាតឲ្យបេក្ខជននៃសំណើប្រជាមតិ B និងអ្នកកាន់តំណែង សំរាប់តំណែងចំនួនប្រាំបីទូទាំងខោនធី (គឺអ្នកវាយតម្លៃ ក្រុមប្រឹក្សាអនុរក្ស មេធាវីមណ្ឌល និងនគរបាលខោនធី) ដើម្បីដាក់សំណុំឯកសារសេចក្តីថ្លែងការណ៍នៃការបញ្ចេញព័ត៌មានពីយុទ្ធនាការឃោសនាតាមប្រព័ន្ធអ៊ិនធឺណឺត ដោយផ្ទាល់ជាមួយ RR/CC។

ការចូលក្នុងប្រព័ន្ធ TRACCER

អាន FAQs របស់ TRACCER សំរាប់​ព័ត៌មានបន្ថែម។

តើ TRACCER គឺជាអ្វី?

TRACCER (របាយការណ៍​អេឡិកត្រូនិច​ចូលរួម​វិភាគទានយុទ្ធនាការឃោសនា​ស្វ័យប្រវត្តិ​របស់​អ្នកកាន់បញ្ជីតាមដាន - អ្នកកត់ត្រា) របស់​អ្នកកាន់បញ្ជី-អ្នកកត់ត្រា/ស្មៀន​ខោនធី LA អនុញ្ញាតឲ្យ​បេក្ខជន និង​មន្ត្រីដែលជាប់ឆ្នោត ប្រើ​អ៊ីនធឺណិតដើម្បី​ដាក់​សេចក្តីថ្លែងនៃការបញ្ចេញព័ត៌មាន​ពី​យុទ្ធនាការឃោសនា​តាមប្រព័ន្ធអ៊ិនធឺណឺត​ដោយ​ផ្ទាល់ជាមួយ RR/CC។ បន្ថែមលើនេះ TRACCER អនុញ្ញាតឲ្យ​សាធារណជន​មើល និង​ស្វែងរក​សេចក្តីថ្លែងទាំងនេះ​លើ​គេហទំព័រ​របស់ RR/CC។

ហេតុអ្វី ខ្ញុំគួរប្រើ TRACCER?

TRACCER ផ្តល់ជូននូវគុណសម្បត្តិជាច្រើន​ដល់​បេក្ខជន និង​អ្នកកាន់តំណែងការិយាល័យ ដែល​ដាក់​សេចក្តីថ្លែងនៃការបញ្ចេញព័ត៌មាន​ពី​យុទ្ធនាការឃោសនា​​របស់ពួកគេតាមប្រព័ន្ធអ៊ិនធឺណឺត ៖

  • តម្លៃ ៖ TRACCER គឺឥតគិតថ្លៃ។ អ្វីដែលអ្នកត្រូវការគឺ ការតភ្ជាប់អ៊ីនធឺណិត និង​កម្មវិធីរុករក Google Chrome, Mozilla Firefox ឬ Microsoft Internet Explorer ដើម្បី​ចូលដំណើរការគេហទំព័រ TRACCER។
  • សន្តិសុខ ៖ ការចូលដំណើរការដែលបានអនុញ្ញាត ផ្តល់ឲ្យបេក្ខជន និង​អ្នកកាន់តំណែងការិយាល័យ​នូវ​សមត្ថភាព​ក្នុងការ​បង្កើត កែប្រែ និង​បោះពុម្ពសេចក្តីថ្លែងការណ៍​ ដែលពាក់ព័ន្ធនឹង​គណនីដែលបានកំណត់។ សាធារណជន មិនអាច​ចូលដំណើរការ​សេចក្តីថ្លែងការណ៍បានទេ រហូតដល់​សេចក្តីថ្លែងការណ៍សម្រេច ត្រូវបានដាក់ជូនតាមអេឡិកត្រូនិច។
  • កាត់បន្ថយការប្រើក្រដាស ៖ បេក្ខជន និង​អ្នកកាន់តំណែងការិយាល័យ ដែល​ដាក់សំណុំឯកសារ​លើប្រព័ន្ធអ៊ិនធឺណឺត​គឺកាត់បន្ថយ​ការ​ប្រើក្រដាស និងកាត់បន្ថយ​កំហុសទិន្នន័យ ដែលអាច​កើតឡើង​ នៅពេល​ការបញ្ចូលទិន្នន័យឡើងវិញ ត្រូវបានទាមទារ។
  • អាចប្រើបានជាមួយកម្មវិធីស្តង់ដារ ៖ គណៈកម្មការ​ដែលប្រើ​កម្មវិធីភាគីទីបី​ដើម្បីបង្កើតឯកសារ​នៅក្នុង​ទ្រង់ទ្រាយ Cal-Access អាច​ផ្ទុក​សេចក្តីថ្លែងការណ៍ដែលបានរៀបចំ​ឡើង​ដោយ​ផ្ទាល់​ទៅក្នុង​ប្រព័ន្ធ TRACCER។
តើការដាក់សំណុំឯកសារ​លើប្រព័ន្ធអ៊ិនធឺណឺត​ជាការតំរូវ​ដោយ​ច្បាប់ចាំបាច់ដែរឬទេ?

វាគឺជាការ​ចាំបាច់សម្រាប់​បេក្ខជន​ទាំងអស់ ​អ្នកកាន់តំណែង និង​គណៈកម្មការយុទ្ធនាការ ដែល​ទទួលបានវិភាគទានចំនួន $ 10,000 ឬច្រើនជាងនេះ​ ​ឬ បានចំណាយ​សរុប​ $ 10,000 ឬច្រើនជាងនេះ​ក្នុងការ​ចំណាយ ​នៅក្នុង​រយៈពេលនៃរបាយការណ៍នេះ​​។

តើខ្ញុំ​ទទួល ID ចូល និង ពាក្យសម្ងាត់​របស់ TRACCER បានដោយរបៀបណា?

ដើម្បីស្នើសុំ​លេខសម្គាល់​ការចូល​ ID និងពាក្យសម្ងាត់ ​បេក្ខជន​, ហេរញ្ញិក​ ឬ​ជំនួយការ​ហេរញ្ញិក​គួរ​បំពេញ​សំណុំ បែបបទ​ចុះឈ្មោះ​របស់អ្នកប្រើ TRACCER ហើយផ្ញើត្រឡប់ទៅ​ជូន​រដ្ឋបាល TRACCER ។

ដើម្បី​ដាក់សេចក្តីថ្លែងការណ៍​នៅលើ TRACCER អ្នកកាន់តំណែង​ការិយាល័យ បេក្ខជន ហេរញ្ញិកផ្លូវការ​របស់បេក្ខជន ឬ​ហេរញ្ញិក​ជំនួយការ អាច​ទទួល​យក​ ID ចូល និង​ពាក្យសម្ងាត់​ TRACCER បាន។ បុគ្គលទាំងនេះ អាច​ទូរស័ព្ទ ឬ​មក​កាន់​ការិយាល័យ RR/CC ដើម្បី​ទទួលយក​ ID ចូល និង​ពាក្យសម្ងាត់។ អ្នក​អាច​ទូរស័ព្ទ​មក RR/CC តាម​លេខ (562) 462-2339 នៅចន្លោះម៉ោងធ្វើការគឺ ម៉ោង 8 ព្រឹក និង 5 ល្ងាច ថ្ងៃចន្ទ ដល់ថ្ងៃសុក្រ (លើកលែងថ្ងៃឈប់សម្រាក)។

"អ្នកអាច​មកកាន់ការិយាល័យ​ធំ​ RR/CC នៅ 12400 E. Imperial Hwy., Room 2003, Norwalk, CA 90650។ ហើយអ្នក ក៏អាច​ទាក់​ទងមកកាន់​ការិយាល័យ​តាមរយៈអ៊ីម៉ែល​ផងដែរtraccer@rrcc.lacounty.gov។ លេខ ID ឬ​ ពាក្យសម្ងាត់ មិនចាំបាច់​សំរាប់​ការមក​ជួប​ដោយ​ផ្ទាល់ខ្លួននោះទេ។ អ្នកមកជួប អាច​មើល ឬ​ស្វែងរក​ព័ត៌មាន​ដែល​បាន​បញ្ជូនរួច​ដោយអ្នករៀបចំសំណុំឯកសារ។

តើខ្ញុំគួរធ្វើដូចម្តេច បើខ្ញុំបាត់ ID ចូល & ពាក្យសម្ងាត់របស់ខ្ញុំ?

អ្នក អាច​ទូរស័ព្ទ ឬ​មកកាន់​ការិយាល័យ RR/CC ដើម្បីទទួលយក​ពាក្យសម្ងាត់ថ្មី ហើយ​ ID ចូល របស់អ្នក នឹង​នៅដដែល។ អ្នក​អាច​ទូរស័ព្ទ​មក RR/CC តាមលេខ (562) 462-2339 នៅចន្លោះម៉ោងធ្វើការ​គឺម៉ោង 8 ព្រឹក និង 5 ល្ងាច ពីថ្ងៃចន្ទ ដល់​ថ្ងៃសុក្រ (លើកលែងថ្ងៃឈប់សម្រាក)។ អ្នក​ក៏អាច​មកកាន់​ការិយា​​ល័យធំ RR/CC 12400 E. Imperial Hwy., បន្ទប់ 2003, Norwalk, CA 90650។ លើសពីនេះ អ្នកក៏អាច​ទាក់ទងមកការិយា​ល័យ​តាម​អ៊ីំម៉ែលtraccer@rrcc.lacounty.gov ឬ​ផ្ញើទូរសារ​សំណើរបស់អ្នក​ទៅ​លេខ (562) 651-2548 (ATTN: TRACCER Administrator)។

តើតម្រូវការសូហ្វែររបស់​ខ្ញុំមានអ្វីខ្លះ?

TRACCER គឺ​ជាកម្មវិធីកុំព្យូទ័រមានមូល​ដ្ឋានលើអ៊ីនធឺណិត ដូច្នេះ​មិនត្រូវការសូហ្វែរអ្វី​បន្ថែមឡើយ។ អ្នក​ នឹង​ត្រូវការ​កម្មវិធីរុករក​ដូច​ជា Google Chrome, Mozilla Firefox ឬ Microsoft Internet Explorer ដើម្បីចូល​គេហទំព័រ RR/CC និង TRACCER។

តើ​ពេលណា​ជា​ថ្ងៃផុតកំណត់​សំរាប់ការដាក់សំណុំឯកសារ​លើប្រព័ន្ធអ៊ិនធឺណឺត?

ទោះបីអ្នក​ដាក់សំណុំឯកសារ​ជា​ក្រដាស ឬ​លើប្រព័ន្ធអ៊ិនធឺណឺត អ្នកត្រូវបានតម្រូវ​ឲ្យ​ដាក់ឯកសារ​នៅថ្ងៃ ឬ​មុនថ្ងៃផុតកំណត់។ សំរាប់​ថ្ងៃផុតកំណត់​ជាក់លាក់ សូម​អាន​កាលវិភាគ​ដាក់សំណុំឯកសារ​បង្ហាញ​ពី​យុទ្ធនាការឃោសនា។ បើពុំ​នោះ​ទេ អ្នកកាន់តំណែងការិយាល័យ ក្នុងឆ្នាំ​គ្មានការបោះឆ្នោត ចាំបាច់​ត្រូវ​ដាក់​សំណុំឯកសារ​តាមមូលដ្ឋាន​​កន្លះឆ្នាំ​​ម្តង​។​

តើ TRACCER ដំណើរការជាមួយ​សូហ្វែរដែលមានស្រាប់​របស់ខ្ញុំ​ដូចម្តេចទៅ?

បើអ្នក ប្រើ​សូហ្វែរដែលផ្តល់ដោយ​ភាគីទីបីរួចហើយ (ដូចជា Netfile ឬ Statecraft) ដើម្បី​រៀបចំ​សកម្មភាពចូលរួមវិភាគទានយុទ្ធនាការឃោសនា និង​ចំណាយនោះ អ្នកអាច​ផ្ទុកឡើងនូវ​ឯកសារ Cal-Access របស់​អ្នក​ដោយផ្ទាល់​ទៅក្នុង​ TRACCER។

តើត្រូវធ្វើដូចម្តេច បើខ្ញុំ​សម្រេចចិត្ត​ថា​មិន​ដាក់​សំណុំឯកសារ​តាមប្រព័ន្ធអ៊ិនធឺណឺត?

​ប្រសិនបើអ្នក​មិនត្រូវបាន​តម្រូវឱ្យដាក់ពាក្យជាទម្រង់អេឡិចត្រូនិចទេនោះ​, អ្នក​អាចនឹងបន្តដាក់ជាទម្រង់ក្រដាស​ ទម្រង់របស់ CA បែបបទ 460 នៅថ្ងៃ ឬ មុនថ្ងៃផុត​កំណត់​។ នៅពេល​ដែលបានវិភាគទាន​ $10,000 ​និង/ឬ​ ដល់កម្រិតកំណត់ហើយនោះ, នឹងមានតម្រូវឱ្យដាក់ពាក្យជាទម្រង់អេឡិចត្រូនិច។

ការខកខានក្នុងការដាក់សំណុំឯកសារដែលបានតម្រូវ អាច​បណ្តាល​ឲ្យមានការផាកពិន័យជាច្រើន​ – មាន ករណីព្រហ្មទណ្ឌ, រដ្ឋប្បវេណី និង​រដ្ឋបាល។ បន្ថែមលើនេះ ការខកខានក្នុងការដាក់សំណុំឯកសារទាន់ពេលវេលា អាចបណ្តាលឲ្យមានការផាកពិន័យលើការយឺតយ៉ាវ​ $10 ក្នុងមួយថ្ងៃ។ តាមច្បាប់ គឺគ្មាន​ការពន្យារ​ពេល​ចំពោះ ​ថ្ងៃផុតកំណត់ដាក់ពាក្យឡើយ។

តើខ្ញុំ​នៅតែត្រូវបានតម្រូវឲ្យដាក់សំណុំឯកសារ​ជា​ក្រដាស​នៃសេចក្តីថ្លែងការណ៍​បង្ហាញ​ពី​យុទ្ធនាការឃោសនារបស់ខ្ញុំដែរឬទេ?

ប្រសិនបើអ្នកត្រូវ​បានតម្រូវឱ្យ​ដាក់ពាក្យជាទម្រង់​អេឡិចត្រូនិច​, អ្នក​មិនត្រូវបាន​តម្រូវឱ្យ​ដាក់ជាទម្រង់ក្រដាសទេ។ ការដាក់ជាទម្រង់ក្រដាស​នឹងមិនត្រូវ​បានទទួលយក​ដោយ RR / CC ទេ ពេលដែល​បានតម្រូវឱ្យដាក់ពាក្យជាទម្រង់អេឡិចត្រូនិចហើយនោះ។

​ប្រសិនបើអ្នក​មិនត្រូវបាន​តម្រូវឱ្យ​ដាក់ពាក្យជាទម្រង់អេឡិចត្រូនិចទេនោះ ​អ្នកត្រូវបាន​ទាមទារឱ្យដាក់ពាក្យជាទម្រង់​ក្រដាស​ដើម នៃ​ទម្រង់របស់ CA បែបបទ 460។

[Original Content]